Службовыя майстры
Невялікія пакрокавыя ваконцы Квас Про: прывязка адкладзеных заквасак, змена злучэння ў групы, выпраўленне канфліктаў белага спісу і ўсталяванне каранёвага сертыфіката.
Акрамя вялікіх майстроў у праграме ёсць некалькі невялікіх пакрокавых ваконцаў. Яны з’яўляюцца ў патрэбны момант самі або адкрываюцца кнопкай і вырашаюць адну канкрэтную задачу.
Даданне заквасак (прывязка адкладзеных)
Калі з’яўляецца: пасля стварэння першага злучэння — калі ў майстры першаснай наладкі вы выбралі закваскі, але злучэння тады яшчэ не было. Закваскі ў гэтым выпадку «адкладзеныя»: дамены з іх нікуды не трапляюць, пакуль вы не скажаце, праз які канал іх пускаць.
Што ў ваконцы: каталог заквасак з адзнакамі, выбар злучэння для прывязкі і дзве кнопкі — «Прывязаць» і «Не прывязваць». Калі зачыніць ваконца крыжыкам, выбар захаваецца: закваскі застануцца адкладзенымі, і прывязаць іх можна пазней на старонцы «Закваскі».
Змяніць злучэнне ў груп
Калі трэба: вы пераехалі на іншы сервер або хочаце пусціць частку груп белага спісу праз іншы канал. Мяняць злучэнне ў кожнага запісу па адным нязручна — для гэтага ёсць асобнае ваконца.
Як адкрыць: на старонцы «Белы спіс» адзначце патрэбныя групы і запісы і націсніце «Змяніць злучэнне».
Што ў ваконцы: спіс закранутых груп (колькі іх і якія) і выбар новага злучэння. Кнопка «Прымяніць» пераводзіць усе выбраную групы на яго адразу.
Выправіць канфлікт
Калі трэба: адзін і той жа дамен патрапіў у белы спіс і адначасова блакуецца абаронным фільтрам — гэта значыць адна наладка кажа «пускаць», другая «не пускаць». Такія дамены сабраныя на асобнай укладцы «Канфлікты фільтраў», а побач з імі — кнопка «Выправіць…».
Што ў ваконцы — два спосабы вырашыць канфлікт (дзеянне прымяняецца да ўсіх адзначаных даменаў):
- «Выдаліць з абаронных фільтраў» — дамены застаюцца ў белым спісе і выключаюцца з фільтраў: ім будзе адкрыты доступ;
- «Выдаліць з белага спісу» — запісы прыбіраюцца з белага спісу, і дамены працягне блакаваць абаронны фільтр.
Усталяванне каранёвага сертыфіката
Калі трэба: каб старонка-папярэджанне пра небяспечны сайт адкрывалася і на абароненых сайтах (тых, што з «замочкам»). Без сертыфіката доступ да такіх сайтаў проста перарываецца.
Як адкрыць: крок «HTTPS-фільтрацыя» ў майстры першаснай наладкі альбо кнопка ў «Наладах» → раздзел «HTTPS-фільтрацыя» — яна выдае сертыфікат паўторна, калі вы прапусцілі крок або змянілі прыладу.
Што ў ваконцы:
- «Спампаваць сертыфікат» — файл для Windows, Android і Linux;
- «Профіль для iPhone/iPad» — гатовы профіль для прылад Apple;
- кароткая інструкцыя па кожнай сістэме (Windows, macOS, iOS, Android, Linux, Firefox — у яго сваё сховішча сертыфікатаў);
- адзнака «Я ўсталяваў сертыфікат» — яна падсвечвае статус у наладах.
Што далей
- Майстар першаснай наладкі — дзе гэтыя ваконцы сустракаюцца упершыню.
- Белы спіс — групы, запісы і канфлікты; гатовыя наборы — Закваскі; абаронныя спісы — Фільтры.
- Адказнасць і небяспечныя сайты — як працуе папярэджанне і што бывае без сертыфіката.